BONDIA WA KIKE LULU KAYAGE AAPA KUFIA ULINGONI KATIKA MPAMBANO WAKE MEI 14 TAIFA

 

Na Mwandishi Wetu

BONDIA Lulu Kayage yupo katika mazoezi mazito na makali kwa ajili ya kujiandaa na mpambano wake wa kimataifa na Chiedza Homakoma ‘Nikita’ Malawi mpambano utakaofanyika mei 14 katika uwanja wa ndani wa Taifa 

 Akizungumza wakati wa mazoezi yake anayofanya Kinondoni Msisiri amesema anajiandaa vizuri tu kwa ajili ya kumkabili mmalawi huyo atakaepigana nae aliongeza kwa kusema unajua rekodi yangu imeharibika kidogo kwa kuwa nilipigwa kwa pointi katika pambano langu la mwisho

Hivyo  nimejipanga vizuri kuhakikisha nafanya vema katika mpambano huo wa kimataifa na ninawahidi mashabiki wagu kuwa siku hiyo nitakuwa radhi kufia ulingoni ili ushindi ubaki Tanzania na siwezi kupigwa hapa nchini nitatia aibu Taifa langu.

 

Siku hiyo pia kutakuwa na mapambano mbalimbali ya kimataifa ya mchezo wa masumbwi nchini

 ambapo bondia Thomas Mashali atakumbana na Sajjad Mehrab kutoka ‘Irani’  ubingwa wa Dunia mkanda wa U.B.O 

Mapambano mengine ya kimataifa yatawakutanisha bondia Ramadhan Shauri atakayepambana na Osgood Kayuni wa Malawi  wakati Twaha Kassim atapambana na Fred Nyakese kutoka Kenya  na Saleh Mkalekwa atakumbana na Jems Onyango wa Kenya huku Francis Miyeyusho akivaana na Frank Kiwalabye wa Uganda naye Nassibu Ramadhani atacheza na Edward Kakembo wa Uganda

Mapambano mengine ni kati ya Shaban Kaoneka atakayecheza na Hassan Mwakinyo na Issa Nampepeche atakumbana na Baina Mazola

Mapambano hayo ya kimataifa yameandaliwa na promota mkongwe Ally Mwazowa kutoka mkoa wa Tanga

siku hiyo kutakuwa na burudani mbalimbali zitakazo sindikiza mapambano hayo ya kimataifa ya mchezo wa masumbwi