PICHA: Satelite ya Juno yaifikia obiti ya sayari ya Jupita

 0

By Rabi Hume on July 5, 2016 Technology

 

 

Safari ya miaka mitano ambayo imefanywa na satelite ya Juno iliyotengenezwa na wanasayansi wa nchini Marekani imekaribia kukamilika kwa satelite hiyo  kutua katika sayari kubwa kuliko zote ya Jupita.

Satelite ya Juno imefika katika obiti ya Sayari ya Jupita na baada ya kutua inataraji kudumu katika sayari hiyo kwa kipindi cha mwaka mmoja na nusu ili kufanya uchunguzi kuhusu uumbwaji wa sayari ya Jupita na mazingirra yake jinsi yalivyo.

Awali kabla ya kufika katika obiti ya sateliye hiyo, wanasayansi nchini Marekani ambao wapo katika moja ya maabara ya kisayansi katika Chuo cha Teknolojia cha California walionekana kuwa watulivu na wakisubiri kwa makini kuona jinsi chombo hicho kitakavyofika katika obiti na baada ya kupokea ripoti ya sauti kutoka katika satelite ya Juno iliyosema “Karibu Jupita, Roger Juno” walionekana kushangilia kwa furaha kwa kufanikisha jambo walilotamani kutokea kwa muda mrefu.

Mmoja wa wanasayansi alipokuwa akizungumza kabla ya kutua kwa chombo hicho alisema kwa kipindi cha miaka mitano wamekuwa hawa hawapumziki kwa muda wa kutosha kutokana na kila muda kutaka kuangalia hali ya Juno kama ipo salama katika safari yake kuelekea sayari ya Jupita.

Wanasayansi Marekani wakisubiri kwa hamu kuona satelite ya Juno ikifikia obiti ya Jupita.

Satelite ya uno ikiwa ilipokuwa njiani kuifikia obiti ya Jupita.

Wanasayansi wakipongezana baada ya Juno kuifikia obiti ya Jupita.