Lady Gaga athibitisha rasmi kuachana na mpenzi wake Taylor Kinney

Postedy by Esta Malibiche on July 20, 2016 Entertainment

 

Ilikuwa moja kati ya Historia zilizotengenezwa katika wimbo wa ‘You and I’, Taylor Kinney akicheza kama ‘Video Model’ katika kichupa cha nyimbo hiyo iliyotoka July 2011 na kuwaweka kwa karibu wawili hao.

Gaga (30) aliingia katika mahusiano ya kimapenzi na Kinney (35) rasmi kwa kuthibitisha katika tuzo za Grammy mara baada ya kuchukua tuzo ya wimbo bora wa PoP kwa mwaka huo kupitia kibao hiko hiko cha ‘You and I’ na kuwa moja ya ‘Couple’ zilizovutia Zaidi nchini Marekani.

Kinney anaeleza kuwa wakati wa kuchukua vipande vya video hiyo wote wawili walikuwa na hisia kali sana na wakati mwingine walikuwa wakiharibu hata baadhi ya maagizo ya Muongozaji video na kuchukua muda mrefu sana kuikamilisha.

Gaga ambaye amesainiwa na Label ya Def Jam pamoja na KonLive ambayo inamilikiwa na Akon alivalishwa pete ya Uchumba na Kinney Februari 2015 na tayari walikuwa wamekwishaanza mipango ya ndoa mapema mwaka huu.

Mwanamuziki huyo wa PoP pamoja na RnB nchini Marekani ameweka wazi kuvunjika kwa uhusiano huyo hivi karibuni mara baada ya kupost picha katika mtandao wa kijamii akiiwekea rangi nyeusi na nyeupe (black & white) na kueleza kuwa yamekwisha kwa sasa na kila mmoja yupo mapumzikoni.

Gaga aliandika kuwa “Taylor and I have always believed in soulmates, just like all couples we have ups and downs and we have taking a break, we are both ambitious artist, hoping to work through long distance and complicated schedules to continue the simple love we have always shared. Please root us on. We’re just like everybody else and we really love eache other”

Chanzo kikubwa cha wawili hao kutengana bado hakijawekwa wazi kutokana na wawili hao kufanya jambo hili kwa siri sana lakini inasemekana Kinney alianza kuchepuka toka kipindi cha nyuma na hivyo kuleta hasira kali kwa Gaga na kusababisha kuchukua maamuzi hayo yote.

Taylor Kinney ambaye ni Raia wa Lancaster, Pennsylvania kwa sasa anatamba na kipindi cha Televisheni cha ‘Chicago Fire’ huku akijishughulisha na mambo mbalimbali ya Sanaa kama vile Mwanamitindo pamoja na uandaaji wa filamu nchini Marekani.

Imeandaliwa na Derick Highiness