MBUNGE VITI MAALUM MKOA WA PWANI,SUBIRA MGALU ACHANGIA UTATUZI WA KERO KATIK ZAHANATI YA VIZIWAZIWA JIMBO LA KIBAHA MJINI

Posted by Esta Malibiche on Nov 20,2016 in NEWS

Mbunge wa Viti Maalum mkoa wa Pwani, Mh. Subira Mgalu ametembelea Zahanati ya Viziwaziwa Jimbo la Kibaha Mjini ambayo ilikuwa na changamoto mbalimbali ikiwemo ukosefu wa madaktari, wauguzi pamoja na nyumba za watumishi wa Afya ambapo ameweza kuchangia fedha za ukarabati wa nyumba moja wapo ili watumishi hao warejee kwenye nyumba hizo.

Akiwa katika ziara hiyo,  alieleza kuwa, Zahanati hiyo inachangamoto ya Madkatari na Wauguzi kutokaa kwenye Nyumba zilizojengwa kwa ajili yao na hivyo kuleta Usumbufu Mkubwa Kwa Wananchi wanapohitaji Huduma za Matibabu ya Dharura nyakati za Usiku hasa akina Mama Wajawazito pamoja na kuweza kusikiliza hoja zao ilikujua tatizo nini na kuzitatua.

Katika ziara yake hiyo, Mh. Subira Mgalu ameweza kufanya ukaguzi wa Zahanati na Nyumba za waganga na kisha kushiriki katika kutatua changamoto alizokutana nazo katika Zahanati hiyo huku akichangia kiasi cha shilingi Laki tatu taslimu alizomkabidhi Diwani wa Kata hiyo.

“Nimekuta changamoto nyingi ikiwemo watumishi wa Zahanati hiyo  kukimbia nyumba ambayo haikuwa na maji. Nimechangia kiasi cha Laki Tatu katika gharama zinazotakiwa kuunganisha Maji kwenye Zahanati na nyumba hizo, Wananchi watachimba mtaro ili kuwafanya Madktari wetu warejee kwenye Nyumba hizo zilizokosa maji.” Alieleza Mh. Subira Mgalu.

Hata hivyo, Mhe. Subira Mgalu amekemea Imani za Kishirikina zinazokuwa sababu ya Watoa Huduma za Afya kuzikimbia Nyumba hizo ambapo amewaomba  Wazee wa Viziwaziwa warekebishe mazingira kama yapo vibaya huku akiwaomba Madktari na Wauguzi wasiamini mambo ya Kishirikina kwani Serikali haimini ushirikina.

Katika ziara hiyo, pia Mhe. Subira Mgalu aliambatana na Waheshimiwa Madiwani  akiwemo wa Viti Maalum , Diwani wa Kata ambapo walisaidiana nao  kujibu kero za Wananchi.

 Na .Esta Malibiche

Mbunge wa Viti Maalum mkoa wa Pwani, Mh. Subira Mgalu akiongozwa katika kukagua moja ya maeneo ya Zahanati ya Viziwaziwa

Mbunge wa Viti Maalum mkoa wa Pwani, Mhe. Subira Mgalu akizungumza na wananchi wa Viziwaziwa Kibaha wakati wa ziara yake hiyo ya kutatua changamotombalimbali.

Mbunge wa Viti Maalum mkoa wa Pwani, Mh. Subira Mgalua akipokea taarifa ya Zahanati ya Viziwaziwa.

Mkutano huo ukiendela, Wananchi wakimsikiliza Mbunge wa Viti Maalum mkoa wa Pwani, Mh. Subira Mgalu.

Mbunge wa Viti Maalum mkoa wa Pwani, Mh. Subira Mgalu akikabidhi fedha taslimu shilingi Laki tatu kwa ajili ya ukarabati maji katika Zahanati na nyumba za waganga wa Zahanati ya Viziwaziwa, Kibaha, Mkoani Pwani.

Mbunge wa Viti Maalum mkoa wa Pwani, Mh. Subira Mgalu akisisitiza jambo katika mkutano huo likiwemo Wazee wa Viziwaziwa kurekebisha kasoro zilizopo.