Wafanyakazi TBL waaswa kuzingatia Usalama wakati wote

Wafanyakazi wa kampuni ya TBL Group na wanajamii wote wameaswa kuzingatia kanuni za usalama na kuzitekeleza  wakati wote ili kuepuka uwezekano wa kupata majanga ambayo yanaweza kuepukika .

Wito huo umetolewa na Meneja anayesimamia mazingira ya sehemu za kazi na Usalama wa  kiwanda cha TBL Group ,Renatus Nyanda wakati akihojiwa kuhusiana na maadhimisho ya Siku ya Usalama Kazini Duniani ambayo imeadhimishwa na kampuni hiyo kwa kushirikisha wafanyakazi wake wote .

Nyanda alisema kuwa linapozungumziwa suala la usalama mahali pa kazi wengi wamekuwa wakidhani kuwa unapaswa kuzingatia kanuni za usalama unapokuwa kazini tu,dhana ambayo alidai kuwa ni potofu kwa kuwa Usalama unapaswa kuzingatia wakati wote na mahali popote na kuwa suala la usalama linamhusu kila mtu awe mfanyakazi wa ofisini, kiwandani, mkulima, mfanyabiashara na shughuli nyinginezo.

Mkuu wa kitengo cha elimu kwa Umma kitengo cha Usalama barabarani makao makuu ya Polisi ASP,Abel Swai akitoa mada kwa wafanyakaziwa kampuni ya TBL jijini Dar es Salaam wakati wa semina ya masuala ya usalama wakati kuadhimisha  Siku ya Afya na Usalama Duniani.Semina hiyo ilifanyika kiwanda cha TBL cha Ilala.

Alisema kampuni ya TBL Group imekuwa ikilipa kipaumbele suala la usalama kwa wafanyakazi wake ambapo tayari imefanikiwa  kupunguza matukio ya ajali  kazini kwa wafanyakazi wake kutokana na utekelezaji wa mpango wa tahadhari za kiafya na usalama wa kampuni mama ya SABMiller ambao umefanyiwa utafiti wa kina na wenye kutoa maelekezo ya kuepusha ajali sehemu kazini na maeneo mengine mbali na kazini.
Alisema elimu hii  ya tahadhari na usalama ambayo imekuwa ikitolewa mara kwa mara na kutekelezwa kwa vitendo haiwasaidii wafanyakazi wanapokuwa kazini tu bali hata wawapo majumbani kwao au sehemu yoyote nyingine wakiitumia itawasaidia  kuwaepusha na majanga mbalimbali ambayo yamekuwa yakijitokeza katika shughuli za maisha ya kila siku.
“Programu hii inayojulikana kama Safety around Bevarage inafundisha masuala  mengi kuhusiana na usalama kazini ambapo tangu ianze kutekelezwa na kampuni ya TBL Group imeanza kuonyesha mafanikio katika  ofisi na viwanda vyake vyote kwa kuwa ni nadra matukio ya ajali kujitokeza kwa wafanyakazi na wageni wanaotembelea kampuni na taasisi nyingi zinavutiwa kuja kwenye kampuni yetu kujifunza masuala ya usalama”.Alisema

Wafanyakazi wa Kampuni ya Bia Tanzania TBL wakisikiliza mada wakati wa semina ya usalama kazini wakati wa maadhimisho ya siku ya Afya na Usalama Duniani.

Katika kuadhimisha siku hii wafanyakazi walishiriki semina zinazohusiana na masuala ya usalama zilizotolewa na serikali kupitia jeshi la polisi kitengo cha usalama barabarani pia wataalamu wa masuala ya bima na Afya ya jamii walitoa mada kuhusiana na umuhimu wa kuwa na bima.
Maadhimisho ya siku ya Usalama kazini Duniani huadhimishwa Aprili 28 kila mwaka  ambapo kampeni za kuhamasisha usalama mahali pa kazi hufanywa na taasisi mbalimbali duniani kote.

Mmoja wa wafanyakazi wa TBL akiuliza swali wakati wa semina ya usalama kazini wakati wa maadhimisho ya siku ya Afya na Usalama Duniani iliyofanyika kiwanda cha ilala jijini Dar es Salaam.

Mtaalamu wa masuala ya afya na jamii Lilian Msaki,akitoa elimu kwa wafanyakazi wa TBL wakati wa semina ya usalama kazini wakati wa maadhimisho ya siku ya Afya na Usalama Duniani iliyofanyika kiwanda cha ilala jijini Dar es Salaam.

Maofisa wa Jeshi la Polisi na TBL wakibadilisha mawazo  muda mfupi baada ya kumalizika kwa semina semina ya usalama kazini wakati wa maadhimisho ya siku ya Afya na Usalama Duniani iliyofanyika kiwanda cha ilala jijini Dar es Salaam.

Read More

Mvua kubwa: Mafuriko Tanzania na Kenya

Leo imekuwa siku ngumu sana kwa uchukuzi mjini Dar es Salaam, Tanzania.

Kisa na maana,,,,mafuriko.

Image captionWenyeji walitatazikika kuendesha shughuli zao za kawaida

Baadhi ya barabara kuu za kitovu hicho cha kibiashara cha Tanzania, zilikuwa hazipitiki.

Image captionMaji kila mahali

Mvua kubwa inayoendelea kunyesha hivi sasa kanda yote ya Afrika Mashariki imesababisha mafuriko makubwa ambayo muundo msingi wa barabara za miji ya Nairobi na Dar es Salaam haziwezi kumudu.

Magari ambayo yalijaribu kutumia mabarabara ya Dar es Salaam yalikwama mengine huku yale yenye kimo cha juu yakifaulu kupita.

Image captionMagari mengi yamekwama barabarani

Wenyeji sasa wameanza kuhoji uwezo wa muundo msingi wa maji taka wa mji huo wa Dar es Salaam hususan ukizingatia kuwa ndio sasa msimu wa mvua umeanza.

Mtangazaji wetu wa Dar es Salaam Sammy Awami amefaulu kuondoka nyumbani kwake na katika pita pita zake ametutumia picha hizi zinazoonesha hali halisia ya baadhi ya mabarabara ya Dar es Salaam.

Image captionWenye magari mjini Nairobi wataabika mabarabarani

Nchini Kenya hali sio tofauti.

Barabara ya kisasa ya Thika Super Highway haipitiki baada ya mvuo kubwa kunyesha mchana na kusababisha mafuriko makubwa.

Read More

Mmarekani ahukumiwa kufungwa na kazi ngumu Korea

Raia wa Marekani amefungwa jela miaka 10 na kazi ngumu nchini Korea Kaskazini baada ya kupatikana na makosa ya kufanya ujasusi, shirika la habari la Uchina la Xinhua limeripoti.

Kim Dong-chul, raia wa Marekani aliyezaliwa Korea Kusini, alikamatwa mwezi Oktoba mwaka jana.

Kim aliwasilishwa kwa wanahabari mjini Pyongyang mwezi jana na akaoneshwa akikiri makosa, na kusema kwamba alilipwa na Korea Kusini kufanya ujasusi.

Mwezi Machi, mwanafunzi mwingine Mmarekani alifungwa jela miaka 15 kwa kujaribu kuiba bango la propaganda.

Alipatikana na makosa ya "uhalifu dhidi ya dola”.

• Mhubiri wa Canada afungwa maisha Korea Kaskazini
• Waziri auawa kwa kusinzia mbele ya rais

Kim amefungwa jela katika kipindi ambacho uhusiano baina ya Korea Kaskazini na Umoja wa Mataifa, Marekani na nchi nyingine za Magharibi umedorora.

Image copyrightReuters

Majuzi, Pyongyang imefanya msururu wa majaribio ya kurusha makombora baada ya kufanyia majaribio bomu ya nyuklia mwezi Januari, majaribio yote yakivunja vikwazo zilivyowekwa na UN.

Pyongyang ilijaribu kurusha makombora mawili ya masafa ya wastani Alhamisi lakini yalilipuka na kuanguka baharini muda mfupi baada ya kurushwa.

Hatua hiyo ilipelekea kuitishwa kwa mkutano wa dharura wa Baraza la Usalama la Umoja wa Mataifa.

Read More

JAJI MKUU MOHAMED CHANDE OHMAN KUWA MGENI RASMI KATIKA SIKU YA UHURU WA VYOMBO VYA HABARI

Mwenyekiti wa MISATAN, Simon Berege akizungumza na waandisshi wa habari kuhusu SIku ya Uhuru wa Vyombo vya Habari. Kushoto ni Afisa Mafunzo wa TMF, Raziah Mawanga na Mhariri Mtendaji wa Gazeti la Jamhuri na Makamu Mwenyekiti wa Jukwaa la Wahariri (TEF), Deodatus Balile.

Siku za Uhuru wa Vyombo vya Habari ambayo hufanyika Mei 3 ya kila mwaka inataraji kufanyika jijini Mwanza kwa mwaka huu ambapo mgeni rasmi anatarajiwa kuwa Jaji Mkuu wa Tanzania, Mohamed Chande Othman na kuhudhuliwa na viongozi wengine nchini na wengine kutoka nje ya nchini ambapo kwa mwaka huu kaulimbiu ni KUPATA TAARIFA NI HAKI YAKO YA MSINGI.

Akizungumzia sherehe hizo katika mkutano na waandishi wa habari, Mwenyekiti wa MISATAN, Simon Berege amesema sherehe za mwaka huu zinataraji kuwa na wageni zaidi ya 250 akiwepo Waziri wa Habari, Utamaduni, Sanaa na Michezo, Mhe. Nape Nnauye, Mratibu Mkazi wa Umoja wa Mataifa nchini, Alvaro Rodriguez na Mkuu wa Ofisi na Mwakilishi wa Shirika la Umoja wa Mataifa linaloshughulikia Elimu, Sayansi na Utamaduni (UNESCO), Zulmira Rodrigues.

Aidha Berege amesema kuwa siku ya uhuru wa vyombo vya habari kwa mwaka huu itafanyika kwa siku mbili, Mei, 2 kutakuwa na kongamano ambalo litatumika kujadili hali ya uhuru wa vyombo vya habari nchini na Mei, 3 ndiyo itakuwa siku husika ya maadhimisho.

“Kikawaida huwa kuna mambo tunafanya katika siku hiyo, tutawakumbuka waandishi wa habari waliopoteza maisha kazini, tutawakumbuka waandishi wa habari maveterani na waandishi wa habari waliopatwa na matatizo wakiwa kazini ... kwa mwaka huu tutakuwa na mambo ya kipekee tofauti na miaka iliyopita,” amesema Berege.

Pia ameongeza kuwa watapitia sheria zinazohusu uhuru wa vyombo vya habari kama Cyber Crime Act 2015 na Sheria ya Takwimu 2015 pia kuipitia miswada ya huduma ya vyombo vya habari na uhuru wa kupata taarifa.

Mhariri Mtendaji wa Gazeti la JAMHURI na Makamu Mwenyekiti wa Jukwaa la Wahariri (TEF), Deodatus Balile akizungumzia hali ya uhuru wa vyombo vya habari na haki ya kupata taarifa ilivyo nchini. Kulia ni Afisa Mafunzo wa TMF, Raziah Mawanga, Mwenyekiti wa MISATAN, Simon Berege na Ofisa Miradi katika Kitengo cha Mawasiliano na Tehama UNESCO, Nancy Kaizelege.

Afisa Mafunzo wa TMF, Raziah Mawanga akizungumza jinsi TMF inawasaidia waandishi wa habari ili waweze kufanya kazi zao kwa weledi. Kushoto ni Mhariri Mtendaji wa Gazeti la Jamhuri na Makamu Mwenyekiti wa Jukwaa la Wahariri (TEF), Deodatus Balile. Kulia ni Mwenyekiti wa MISATAN, Simon Berege na Ofisa Miradi katika Kitengo cha Mawasiliano na Tehama UNESCO, Nancy Kaizelege.

Ofisa Miradi katika Kitengo cha Mawasiliano na Tehama UNESCO, Nancy Kaizelege akizungumzia ushiriki wa UNESCO katika kuandaa Siku ya Uhuru wa Vyombo vya Habari ambapo kwa mwaka huu zinafanyika Mwanza. Kushoto ni Mwenyekiti wa MISATAN, Simon Berege na Afisa Mafunzo wa TMF, Raziah Mawanga.

Afisa Habari wa Kituo cha Habari cha Umoja wa Mataifa (UNIC), Usia Nkhoma-Ledama akieleza kazi za Umoja wa Mataifa ili kuvisaidia vyombo vya habari kupata uhuru wa kufanya kazi bila kuingiliwa.

Baadhi ya waandishi wa habari na watumishi waliohudhuria mkutano huo.

Read More

MWANAHABARI MTOTO NA MWANAMAZINGIRA WA UN, GETRUDE CLEMENT AWASILI JIJINI MWANZA

 

Shujaa Wetu,
Mwanahabari Mtoto, Mwanamazingira Balozi wa Umoja wa Mataifa UN kutoka Mwanza Tz, Getrude
Clement (16) jana amewasili nyumbani Jijini Mwanza majira ya saa tatu usiku na
kupokelewa kwa shangwe na ndugu, jamaa na marafiki katika Uwanja wa Ndege Mwanza.

Alihudhuria
Mkutano wa Umoja wa Mataifa nchini Marekani uliohusu Mabadiliko ya Tabia nchi
(Climate Change) ambapo alihutubia õakiwakilisha kundi la Watoto na Vijana
duniani.

Kutoka Kushoto Pichani ni Brightius Titus ambae ni Katibu wa Mtandao wa Watoto na Vijana Mkoani Mwanza MYCN, Katikati ni Getrude mmoja wa Watoto wa Mtandao huo na Kulia ni Shaban Magana ambae ni Mwenyekiti wa MYCN.

"Kitu ambacho nimejifunza ni kupata kujiamini zaidi kwa sababu ule Mkutano ulihudhuriwa na watu wengi, wakiwepo viongozi kutoka zaidi ya nchi 170 wanachama wa Umoja wa Mataifa. Wameniasa kusoma zaidi ili kufikia malengo yangu ambapo nitaendelea kuzungumza na wananchi pamoja na viongozi wao juu ya masuala ya mabadiliko ya tabia nchi ambapo nitakuwa balozi wao". Alisema Getrude.

"Wazazi wawaruhusu watoto wao katika kushiriki shughuli mbalimbali za vikundi ili waweze kujiamini zaidi katika kufikia ndoto zao". Anasema Mtoto Mwanahabari Getrude.

Shabani Njia (Kulia) ambae ni Mwenyekiti wa Mtandao wa Vijana na Watoto Mkoani Mwanza MYCN akizungumzia mapokezi ya Mwanahabari na Balozi wa Mazingira wa Umoja wa Mataifa akiwakilisha kundi la Watoto na Vijana Getrude Clement

Clement Leon ambae ni baba mzazi wa Getrude akizungumzia mapokezi ya mwanae katika Uwanja wa ndege Mwanza.

Rizik Athman ambae ni mzazi wa Getrude akizungumzia mapokezi ya mwanae katika Uwanja wa ndege Mwanza ambapo anafurahishwa na hamasa aliyonayo mtoto wake ikiwemo kujiamini katika masuala mbalimbali ikiwemo ya habari.

Getrude (Katikati) akiwa na Wazazi wake, Clement Leon (Kushoto) pamoja na Rizik Athman (Kulia).

Ndugu, Jamaa, Marafiki pamoja na Viongozi wa MYCN, mapema wakifurahia jambo wakati wakimsubiria Getrude

Ndugu, Jamaa, Marafiki pamoja na Viongozi wa MYCN wakiwa pamoja na Getrude.

Ndugu, Jamaa, Marafiki pamoja na Viongozi wa MYCN, wakifurahia na Getrude katika picha ya pamoja.

Mapokezi ya Mtoto Getrude

Mapokezi ya Mtoto Getrude

Mapokezi ya Mtoto Getrude, Wengi walimsubiria kwa hamu kubwa.

Shuja, Mwanahabari Mtoto, Mwanamazingira Balozi wa UN Getrude Clement baada ya kuwasili Jijini Mwanza.

Read More

MKUU WA WILAYA IRINGA RICHARD KASESELA aAITAKA JAMII KUWA NA NIDHAMU MAHALI PA KAZI ILI KULETA UFANISI

Mkuu wa wilaya Iringa Richard Ksesela akizungumza nawashiriki wa   mfunzo ya PUBLIC PRIVATE DIALOGUE (PPD) pamoja na kugawa vyeti kwa washiriki hao.

Mwenyekiti wa Halmashauri ya wilaya Iringa Stephen Muhapa akipokea baada ya kuhiotimu mafunzo

Mkuu wa wilaya Iringa Richard Ksesela ashiriki kufunga  mfunzo ya PUBLIC PRIVATE DIALOGUE (PPD) pamoja na kugawa vyeti kwa washiriki.

Mafunzo hayo yanaendeshwa  na Chuo Kikuu cha Dar Es Salaam- Shule ya Boiashara (UDBS) na kudhaminiwa na mradi wa BEST-PPD.

Akizungumza na washiriki wa mafunzo hayo yaliyofanyika mkoani Iringa na  kufungwa leo hii[jana]yaliyohudhuliwa na wilaya za Njombe,Iringa,Kilolo na Mufindi alisisitiza kudumisha nidhamu katika kazi  ili kuleta ufanisi mahali pa kazi,hasa katika sekta binafsi.

 Katika hotuba yake Mkuu wa Wilaya ya Iringa Richard kasesela aliyoitoa wakati akifunga, aliwataka washiriki kuyafanyia kazi yale waliyoyapata ili kuleta chachu ya maendeleo katika wilaya wanazotoka, jamii,na Taifa kwa ujumla.

Kasesela alisema mafunzo yaliyotolewa ni muhimu sana kwa Taifa letu na yana lengo la kuhimiza mijadala na mazungumzo kati ya sekta binafsi na serikali kwa ujumla.

Katika hotuba yake alisisitiza sana suala la nidhamu, na kusema kuwa nidhamu ndiyo msingi wa kujenga sekta binafsi iliyo imara. Pia aliwaasa kupunguza utitili wa jumuiya za sekta bianfsini muhimu zikaungana na kujenga moja yenye nguvu kwa maendeleo ya Taifa.

Aidha alitoa ushauri kwa halmashauri zote  nchini kufungua dawati kwa ajili ya mijadala na sekta binafsi ili ziweze kutekeleza majukumu mengine kwa niaba ya serikali.

‘’’’’’’’’’’’’’’’’Bila sekta binafsi imara uchumi wa nchi hauwezi kukua, ni muhimu sekta binafsi ikaanza kuchukua nafasi stahiki ikiwemo kutekeleza majukumu mengine kwa niaba ya serikali mfano ukuaji wa michezo mabayo inahitaji uwekezaji ili serikali iondokane na kuwekeza, nchi kama Marekani hazina wizara ya michezo" alisema.

Read More