Halmashauri ya Singida yashindwa kufikia malengo ya JPM

Postedy by Esta Malibiche on August 3, 2016 Singida

Mwenyekiti wa halmashauri ya wilaya ya Singida Elia Didha,akifungua rasmi kikao cha kawaida cha baraza la madiwani kilichofayika mjini humo.Digha pamoja na mambo mengine,aliagiza madiwani kusimamia wananchi wasiuze mahindi yote kwa tamaa ya fedha,vinginevyo watakabiliwa na uhaba wa chakula.Kushoto ni mkurugenzi mtendaji Rashidi Bandola na kushoto ni makamu mwenyekiti Omari Mande.

Mweka hazina Ngwijo,alisema vile vile wamekusanya zaidi ya shilingi bilioni moja kwa ajili ya kugharamia matumizi yasiyo ya mishahara sawa na asilimia 72 ya lengo la kupokea zaidi ya shilingi 1.2 bilioni.

“Kwenye miradi ya maendeleo ya wananchi, tumekusanya zaidi ya shilingi 3.6 bilioni kutoka serikali kuu na wadau mbalimbali sawa na asilimia 75 la kukusanya zaidi ya shilingi 4.9 bilioni”,alisema mweka hazina huyo.

Katika hatua nyingine,mkuu wa wilaya ya Singida, Elias Tarimo,amewataka madiwani kuhakikisha wanahamasisha kwa nguvu zote dhana ya ‘hapa kazi tu’,ili wananchi wakiwemo vijana waweze kutekeleza majukumu ya kujiletea maendeleo.

HALMASHAURI  ya wilaya ya Singida, imekusanya mapato ya zaidi ya shilingi 18.3 bilioni, kutoka kwenye vyanzo vyake mbalimbali vya mapato kati ya julai mwaka jana na juni mwaka huu.

Makusanyo hayo ni sawa na asilimia 87 ya lengo la kukusanya shilingi 21,475,625,995,kwa mwaka wa fedha wa 2015/2016.

Hayo yamo kwenye taarifa ya mweka hazina wa halmashauri hiyo, Raphael Ngwijo,iliyowasilishwa mbele ya kikao cha kawaida cha baraza la madiwani kilichofanyika mjini hapa.

Mkurugenzi mtendaji wa halmashauri ya wilaya ya Singida, Rashidi Bandoa,akitoa nasaha zake kwenye ufunguzi wa kikao cha kawaida cha madiwani wa halmashauri hiyo kilichofanyika mjini Singida.Wa pili kulia (waliokaa) ni Mwenyekiti wa halmashauri hiyo na diwani wa kata ya Msange, Elia Digha na wa kwanza kushoto, ni Makamu Mwenyekiti na diwani wa kata ya Makuro, Omari Mande.

Alisema kati ya makusanyo hayo zaidi ya shilingi 543 milioni sawa na asilimia 64 ya lengo la kukusanya shilingi 842.7 milioni kutoka kwenye vyanzo vyake vya mapato ya ndani.

“Kwa upande wa ruzuku inayotolewa na serikali kuu kwa ajili ya kufidia kodi na ushuru uliofutwa,tumepokea zaidi ya shilingi 64.9 milioni tu sawa na asilimia 22 ya lengo la kupokea ruzuku ya zaidi ya shilingi 300 milioni”,alisema.

Aidha,Ngwijo alisema serikali kuu pia imewapatia zaidi ya shilingi 13.2 bilioni kwa ajili ya kulipia mishahara ya watumishi wa umma ambayo ni sawa na asilimia 94 ya lengo la kupokea shilingi 14.2 bilioni kwa mwaka wa fedha wa 2015/2016.

Mkuu wa wilaya ya Singida,Elias Tarimo, akizungumza kwenye kikao cha kawaida cha baraza la madiwani leo (02/8/2016).Dc Tarimo,amewaagiza madiwani hao kusimamia dhana ya ‘Hapa ni Kazi Tu’,ili wilaya hiyo iweze kupaa kimaendeleo.

Diwani wa kata ya Ikhanoda wilaya ya Singida,Higa Mnyawi,akichangia kwenye kikao cha kawaida cha baraza la madiwani wa halmashauri ya wilaya ya Singida kilichofanyika mjini humo.

Baadhi ya madiwani wa halmashauri ya wilaya ya Singida,wakifuatilia kikao cha kawaida cha madiwani kilichgofanyika mjini humo.(Picha na Nathaniel Limu).