Taasisi ya Larchfield kuwapatia elimu bure watoto yatima waishio wilaya ya Mkuranga

Watu mbalimbali ambao wamejitolea katika taasisi ya Gulf for Good wakiwa pamoja na watoto ambao watanufaika na mpango wa Larchfield. Gulf for Good ni taasisi ambayo inahusisha watu mbalimbali ambayo imekuwa ikifanya kazi ya kusaidia kutatua baadhi ya changamoto zinazozikabili jamii katika maeneo mbalimbali duniani.

Watu mbalimbali ambao wamejitolea katika taasisi ya Gulf for Good wakiwa pamoja na watoto ambao watanufaika na mpango wa Larchfield ambao unalengo la kuwasaidia watoto yatima na wanaotoka katika mazingira magumu wakiwa wamevalia sare ambazo wamepewa na Taasisi ya Misaada ya Larchfield.

Watu mbalimbali ambao wamejitolea katika taasisi ya Gulf for Good wakiwagawia vifaa vya shule watoto ambao watafaidika na mpango wa Larchfield.

Kwa kutambua umuhimu wa elimu, Taasisi ya Misaada ya Larchfield imeanzisha mpango unaofahamika kwa jina la Larchfield ambao utawezesha watoto 300 kupataelimu bure kutoka wilaya ya Mkuranga, Pwani.

Mpango huo umeanzishwa ukiwa na malengo ya kuwasaidia watoto ambao ni yatima na ambao wametengwa na ndugu ambao wazazi wao wameshafariki au wasiojiweza kiuchumi ili kuwasomesha watoto wao na mpango huo utahusika na watoto walio na umri kati ya miaka 3-16.

Katika taarifa ambayo imetolewa na taasisi ya Larchfield ilieleza kuwa kwa takwimu zilizopo nchini zinaonyesha kuwa Tanzania ina wananchi milioni 1.5 ambao wanaishi na UKIMWI na watoto yatima wanakadiliwa kufikia milioni 1.3 hivyo ujio wa mpango huo utawasaidia karibu watoto yatima 2,000 ambao wanapatikana wilayani Mkuranga.

Katika kuwasaidia watoto hao, taasisi ya Larchfield imejipanga kuhakikisha inarudisha furaha iliyopotea kwa watoto, kuwaboreshea usalama na ulinzi wa mazingira ambayo yanawazunguka na katika utekelezaji wa azma hiyo hawatafanya ubaguzi wa rangi au kijinsia au dini.

Aidha katika kuzindua mpango huo, walipata ugeni wa watu ambao wanajitolea kufanya kazi na Taasisi ya Gulf For Good ambalo walijumuika nao Mkuranga katika uzinduzi na kupata nafasi ya kuzungumza na wafaidika wa mpango huo.

Kwa kuanza utekelezaji wa mpango huo ulio na malengo ya kuwasomesha watoto 300, kutakuwa na awamu na kwa awamu ya kwanza watasomeshwa watoto 50 na kiasi cha fedha cha Dolla ya Kimarekani 275,000 kinataraji kutumika.