Mwanga wahamasishwa kujiunga na CHF

 

 

 

 

WANANCHI wa Wilaya ya Mwanga mkoani Kilimanjaro, wametakiwa kujitokeza kwa wingi kujiunga katika mfuko wa Afya ya Jamii (CHF) hatua ambayo itasaidia kuboresha huduma za afya, ikiwa ni pamoja na kupunguza tatizo la upungufu wa dawa na vifaa tiba kwenye hospitali, vituo vya afya na hata zahanati.

Rai hiyo ilitolewa jana na Mkuu wa Wilaya hiyo, Shaibu Ndemanga, wakati akizindua kampeni za uhamasishaji wananchi kujiunga na CHF, uliofanyika katika kata ya Kifula wilayani humo, ambapo alisema Bima ya Afya ni muhimu sana katika kupunguza gharama za matibabu na kutatua changamoto ya vifaa tiba kwenye hospitali na vituo vya afya.

Ndemanga alisema, wananchi wengi wamekuwa wakilalamikia ukosefu wa dawa na vifaa tiba katika maeneo ya kutolea huduma za afya ikiwemo hospitali na kushindwa kutambua kuwa, chanzo cha tatizo hilo ni wao kutojiunga kwa wingi na Mfuko wa Afya ya Jamii (CHF).

Ndugu zangu wananchi, naomba mjitokeze kwa wingi kujiunga na mfuko wa afya ya jamii (CHF) ili kujihakikishia kupata huduma bora za afya, pindi mtakapougua na tambueni kuwa kujiunga kwenu kwa wingi kutapunguza tatizo la ukosefu wa dawa na vifaa tiba katika hospitali zetu, vituo vya afya na hata Zahanati,î alisema Ndemanga.

Alisema tafiti zinaonyesha kuwa, watu wengi wamekuwa wakijikuta katika wakati mgumu wa kimaisha pindi wanapougua, kutokana na kukosa fedha za matibabu, hivyo ni vyema wakajiunga na CHF kabla hawajaugua, ili kujiwekea uhakika wa kupata matibabu na huduma bora za afya.

Alisema asilimia 37.8 ya wananchi wa Wilaya hiyo ndiyo wamejiunga na mfuko wa afya ya jamii na kwamba wamejiwekea malengo ifikapo Juni 30 mwaka huu 2016, wawe wamefikia asilimia 50 na kwamba hilo litafanikiwa endapo viongozi kuanzia ngazi za vitongoji, vijiji na hata kata watashirikiana kikamilifu kuhamasisha wananchi kujiunga na Mfuko huo.

Naye Meneja wa Mfuko wa Afya ya Jamii (CHF) kutoka makao makuu Slivery Mgonza, alisema katika kukabiliana na changamoto ya upungufu wa vifaa tiba na dawa, ipo changamoto ya rasilimali fedha na kwamba ili kukabiliana na changamoto hiyo kuna haja ya wananchi kujiunga kwa wingi katika mfuko huo wa CHF.

Alisema lengo la serikali kwa sasa ni kuboresha huduma za afya na kuhakikisha huduma zinazotolewa ni bora na si bora huduma na kwamba mpango wa kuchangia huduma za matibabu kabla ya kuugua ni wa msingi sana.

"Mfuko wa Taifa wa Bima ya Afya umedhamiria kutoa huduma bora za afya na hakuna mwananchi ambaye atachangia katika CHF na kukosa dawa, lakini pia naomba mfahamu kuwa tuko kwenye mchakato wa kuboresha mfuko huu ili mgonjwa aweze kwenda hadi mkoani pindi inapolazimik