Posted by Esta Malibiche on April 19,2018 IN NEWS
RAIS wa shirikisho la vyama vya wafanyakazi (TUCTA)
Tumaini Nyamhokya amewataka wananchi wa mkoa wa Iringa kutumia maadhimisho ya
sherehe za Mei Mosi mwaka huu ambayo yatafanyika mkoani Iringa kuwa chachu ya kuongeza uchumi wao .
Akizungmza na vyombo vya habari Mkoani Iringa ujuio wa sherehe hizo mkoani hapa
zitawasaidia wananchi wengi kujipatia kipato chao wenyewe,kuonesha biashara
zao,pamoja na wadau mbalimbali ikiwawemo wenye mahoteli nk.
Nyamhokya alisema kuwa kwenye sherehe hizo wananchi
wanatakiwa kuonesha bidhaa zao wakati huu ambao serikali ikipambanua
kuelekea kwenye uchumi wa kati wa viwanda.
“Tumekuja hapa
kuandaa maandalizi ya ujio wa viongozi mbalimbali wa kitaifa akiwemo Mgeni Rasmi ambae ni Rais wa Jamuhuri ya Muungano wa Tanzania Dkt.John Magufuli.
Sisi kama viongozi tiunawaomba
wananchi wachukulie kama fursa kwao .Pia tunawaomba sana wana Iringa kujitokeza kwa wingi kumpokea Mh.Rais.”alisema Nyamhokya
Naye Paulo
Sangeze ambaye ni mwenyekiti Tuico taifa alisema kuwa malalamiko yaliyopo
kwenye sekta ya viwanda kwa wafanyakazi yanaendelea kutatuliwa serikali huku
akiwataka wafanyakazi wote kushiriki mei mosi kikamilifu.
Kwa upoande wake Stanslaus Mhongole ambaye ni
mwenyekiti wa CWT mkoa wa Iringa amesema sherehe zilitakiwa kufanyika jijini
Arusha lakini kutokana na kuwa na sababu zilizo nje ya uwezo imebidi wahamishe
sherehe hizo mkoani Iringa huku akiwataka wananchi kutumia sherehe hizo
kwakuibua fursa za kiuchumi.
0 maoni:
Chapisha Maoni